• ئوقۇغۇچىلارنىڭ بۇ قوشۇمچە خىزمەتلىرى بەلكىم پۇل يۇيۇش جىنايىتىگە چېتىلىپ قېلىشى مۇمكىن

  • يوللىغۇچى : ئەلكۈيى تورى
  • ئىنكاسلار :
  • ئوقۇغۇچىلارنىڭ بۇ قوشۇمچە خىزمەتلىرى بەلكىم پۇل يۇيۇش جىنايىتىگە چېتىلىپ قېلىشى مۇمكىن

    دېلو تەھلىلى:

    1. شەنشى داشۆ ئوقۇغۇچىسى گۈەن فامىلىلىك ئىككى دانە ئىناۋەت كارتىسى بېجىرگەن بولۇپ ئىناۋەت چېكى 1000 يۈەنگە يەتمەيتتى. ئۇ ۋۇخەن شەھىرىگە بېرىپ قانۇنسىز نەق پۇلغا ئايلاندۇرۇش شايكىسى ئارقىلىق مەۋھۇم سودا بىلەن 220 مىڭ يۈەننى نەق پۇلغا ئايلاندۇرغان، %55 يۇقىرى سوممىلىق رەسمىيەت ھەققىنى مەزكۇر شايكا تۇتۇپ قالغاندىن كېيىن، قولىغا ئاران 67 مىڭ 500 يۈەن ئېشىپ قالغان. گۈەن فامىلىلىك جىنايەتكە چېتىشلىق بولغاچقا ساقچىلار تەرىپىدىن تۇتۇلدى.

    2. داشۆ ئوقۇغۇچىسى ليۇ فامىلىلىك ئەسلىدە قوشۇمچە خىزمەت بىلەن تۇرمۇش خىراجىتىنى ھەل قىلماقچى بولغان، مەبلەغ توپلاپ ئالدامچىلىق قىلىدىغان شۈ فامىلىلىكنىڭ تەلىپى بويىچە، بىر پارچە بانكا ھېسابات نومۇرى ئاچقۇزغان ھەمدە ئۇچۇر ئەسكەرتىش مۇلازىمىتىنى بېجىرگەن، شۇنىڭ بىلەن بانكا كارتىسىنى باشقىلارنىڭ ئىشلىتىشىگە بەرگەن. شۈ فامىلىلىك مەلۇم بىر مەبلەغ سېلىش شىركىتى بازار بۆلۈمىنىڭ باش نازارەتچىسى بولغان مەزگىلىدە، جەمئىيەتكە قارىتا ئاممىۋىيلاشمىغان قانۇنسىز مەبلەغ توپلاش ئېلىپ بېرىپ، ئارىدىن نەق پۇل شەكلىدە بازار تەشۋىق قىلىش ھەققى ئالغان. جەمئىي ئالغان پۇل سوممىسى 160 مىڭ يۈەنگە يەتكەن ھەمدە يۇقاردا تىلغان ئالغان بانكا ھېساب نومۇرىغا ئامانەت قويغان، بۇ جەرياندا شۈ فامىلىلىك بۇ ھېساب نومۇرى ئارقىلىق ئايالى جاڭ فامىلىلىككە 179 مىڭ 600 يۈەن يوللاپ بەرگەن.

    خەلق سوت مەھكىمىسى ليۇ فامىلىلىكنىڭ پۇل يۇيۇش جىنايىتى دېلوسىغا قارىتا مۇنداق ھۆكۈم چىقاردى: جاۋابكار ليۇ فامىلىلىك پۇل يۇيۇش جىنايىتى بىلەن مۇددەتلىك توققۇز ئايلىق قاماق جازاسى بېرىلسۇن ھەمدە 8000 يۈەن جەرىمانە قويۇلسۇن.

    ئوقۇغۇچىلارنىڭ مۇشۇ ياش باسقۇچتا ئۇلاردىن پايدىلىنىپ كارتا بېجىرىش، تور بانكىسى ئېچىپ پۇل يۆتكەش قاتارلىق ھادىسىلەر خېلىلا كۆپىيىپ قالدى، قانۇندىن مەسلىھەت سوراپ كەلگەن ئائىلە-تاۋاباتلارنىڭ مەكتەپتە ئوقۇۋاتقان بالىلىرى ياكى تۇغقانلىرىنىڭ ئۆزىنى قوغداش ئېڭى ئاجىز، ئۇلار ئۆز مەنپەئەتىنى زىيانغا ئۇچرىتىپلا قالماستىن، يەنە ناھايىتى ئاسانلا جىنايەتچىلەرنىڭ يانتاۋىقىغا ئايلىنىپ قالىدۇ.

    پۇل يۇيۇش جىنايىتى دېگەن زادى نېمە؟

    زەھەر سېتىش جىنايىتى، قارا جەمئىيەت خاراكتېردىكى تەشكىلات جىنايىتى، ئەتكەسچىلىك جىنايىتى قاتارلىقلارنى بىلىپ تۇرۇپ شۇ جىنايەتلەر ئارقىلىق قانۇنسىز تاپاۋەتكە ۋە پايدىغا ئېرىشىپ، ئۇنىڭ مەنبەسى ۋە خاراكتېرىنى پەردازلاش ۋە يوشۇرۇشنى كۆرسىتىدۇ.

    جىنايەت قەستەنلىكىدىكى «بىلىپ تۇرۇپ» قا ھۆكۈم قىلىشتا، جاۋابكارنىڭ بىلىش ئىقتىدارى، باشقىلارنىڭ جىنايىتى ئارقىلىق ئېرىشكەن تاپاۋىتىدىن پايدا ئېلىش ئەھۋالى، جىنايەت تاپاۋىتى ۋە ئېرىشكەن پايدىسىنىڭ تۈرى، سانى، ئالمىشىشى، ئالمىشىش شەكلى ۋە جاۋابكارنىڭ ئىقرارى قاتارلىق ئاساسىي ۋە ئوبيېكتىپ ئامىللار ئاساسىدا بېكىتىش كېرەك.

    تۆۋەندىكى ئەھۋاللاردىن بىرى كۆرۈلسە جاۋابكارنى بىلىپ تۇرۇپ جىنايەت تاپاۋىتى ۋە پايدىسىغا ئېرىشكەن دەپ بېكىتىشكە بولىدۇ، لېكىن دەلىل-پاكىتلار بىلەن ھەقىقەتەن بىلمەيدىغانلىقىنى ئىسپاتلىيالىغانلار بۇنىڭدىن مۇستەسنا:

    1. باشقىلارنىڭ جىنايى پائالىيەت بىلەن شۇغۇللانغانلىقىنى بىلىپ تۇرۇپ، مال-مۈلۈكنى ياردەملىشىپ ئالماشتۇرۇپ بەرگەنلەر ياكى يۆتكەن بەرگەنلەر؛

    2. ئورۇنلۇق سەۋەپ يوق ئەھۋال ئاستىدا، قانۇنسىز يول بىلەن مال-مۈلۈكنى ياردەملىشىپ ئالماشتۈرۈپ بەرگەنلەر ياكى يۆتكەپ بەرگەنلەر؛

    3. ئورۇنلۇق سەۋەپ يوق ئەھۋال ئاستىدا، بازار باھاسىدىن كۆرىنەرلىك تۆۋەن باھادا مال-مۈلۈك سېتىۋالغانلار؛

    4. ئورۇنلۇق سەۋەپ يوق ئەھۋال ئاستىدا، مال-مۈلۈكنى ياردەملىشىپ ئالماشتۈرۈپ بەرگەنلەر ياكى يۆتكەپ بەرگەنلەر، شۇ ئارقىلىق بازار باھاسىدىن كۆرىنەرلىك يۇقىرى «رەسمىيەت ھەققى» ئالغانلار؛

    5. ئورۇنلۇق سەۋەپ يوق ئەھۋال ئاستىدا، باشقىلارغا ياردەملىشىپ زور سوممىلىق نەق پۇلنى كۆپلىگەن بانكا ھېساباتى ياكى ئوخشىمىغان بانكا ھېساباتى ئارىسىدا توختىماي يۆتكەن يۈرگەنلەر؛

    6. يېقىن تۇغقانلىرى ياكى باشقا مۇناسىۋىتى يېقىن كىشىلەرگە ياردەملىشىپ كەسپىي ياكى مۈلۈك ئەھۋالىغا ئېنىق ئۇيغۇن كەلمەيدىغان مال-مۈلۈكنى ئالماشتۈرۈپ بەرگەنلەر ياكى يۆتكەپ بەرگەنلەر؛

    7. شۇغۇللانغۇچىنىڭ ئېنىق بىلىدىغانلىقىنى بېكىتكىلى بولىدىغان باشقا ئەھۋاللار؛

    پۇل يۇيۇش جىنايىتىنىڭ ئوبيېكتىپ شەكلى تۆۋەندىكى بەش خىل:

    1. مەبلەغ ھېساباتى بىلەن تەمىنلەش. بۇ زاڭ مالنىڭ پۇل-مۇئامىلە ساھەسىدە ئېقىپ يۈرۈشىدىكى بىرىنچى ھالقا، زاڭ مالغا ئىگە بولغۇچى ئالدى بىلەن پۇل-مۇئامىلە ئاپپاراتىدا ھېساب ئاچىدۇ، ئاندىن بۇ زاڭ مال پۇلىنى چېگرا سىرتىغا پېرېۋوت قىلىدۇ ياكى پۇل چېكى شەكلىدە ئىشلىتىدۇ.

    2. مال-مۈلۈكنى نەق پۇل، پۇل چېكى، قىممىتى بار ئاكسىيە قاتارلىقلارغا ئالماشتۇرۇشقا ياردەملىشىش. مەزكۇر بايلىقلارنىڭ قانۇنسىز تاپاۋەت ئىكەنلىكىنى ئېنىق بىلىپ تۇرۇپ، رەنىگە قويۇش، ئېلىم-سېتىم شەكلى ئارقىلىق مال-مۈلۈككە ئىگىدارلىق قىلغۇچى بىلەن سودىلىشىپ، نەق پۇل ياكى پۇل چېكىگە ئالماشتۇرۇش پۇل يۇيۇش جىنايىتىنى شەكىللەندۈرىدۇ.

    3. مېمورىئال قىلىش ياكى باشقا ھېسابات ئۇسۇلى ئارقىلىق مەبلەغ يۈرۈشتۈرۈشكە ياردەملىشىش. مۇنداقچە دېگەندە قانۇنسىز مەبلەغ قانۇنلۇق نەق پۇلغا ئارىلىشىپ كەتكەندە، بانكا پۇل چېكى ياكى باشقا ھېسابات ئۇسۇلى ئارقىلىق بۇ مەبلەغنى قانۇنلۇق شەكىلدە ئىشلىتىش، شىركەت، كارخانا قۇرۇش، شۇ ئارقىلىق قانۇنسىز مەبلەغنى ئېقىشچانلىققا ئىگە قىلىش ۋە نەپكە ئېرىشىش.

    4. مەبلەغنى چەتئەلگە پېرۋوت قىلىشقا ياردەملىشىش.

    5. باشقا ئۇسۇللار بىلەن قانۇنسىز تاپاۋەت ۋە پايدىسىنىڭ مەنبەسى ۋە خاراكتېرىنى پەردازلاش ۋە يوشۇرۇش. مەسىلەن قانۇنسىز كىرىمنى ھەر خىل قاتناش قوراللىرىغا يوشۇرۇپ قويۇش، چېگرىدىن ئېلىپ چىقىش، ئاندىن چەتئەل پۇلىغا ئالماشتۇرۇش ياكى مال-مۈلۈك سېتىۋېلىش ۋە ياكى چەتئەللىك تۇغقانلارنىڭ نامىدا چەتئەل بانكىسىغا ئامانەت قويۇش، ئاندىن ۋەتەنگە قايتىپ كېلىش؛ مېھمانخانا، ھاممام، بەزمىخانا قاتارلىق كۈندىلىك خىراجىتى زور بولغان مۇلازىمەت ئورۇنلىرىنى ئېچىپ، قانۇنسىز توپلىغان مەبلەغنى قانۇنلۇق مەبلەغ بىلەن ئارىلاشتۇرۇش.

    جاۋابكار پۇل يۇيۇش جىنايىتىنىڭ مەلۇم بىر بۆلىكىدىكى جىنايەتنىڭ جىنايەت تاپاۋىتى ۋە ئۇنىڭ پايدىسىنى بۇ جىنايەتنىڭ باشقا بۆلىكىدىكى جىنايەت دائىرىسى ئىچىدىكى باشقا جىنايەت تاپاۋىتى ۋە ئۇنىڭ پايدىسى دەپ خاتا قارىغان بولسا، كونكرېت پاكىتنى تونۇش خاتالىقى ئىچىدىكى ئوبيېكتى خاتا، پۇل يۇيۇش جىنايىتىدە «بىلىپ تۇرۇپ» نى بېكىتىشكە تەسىر يەتكۈزمەيدۇ دەپ قارىلىدۇ.

    بۇ يەردە ھەر قايسىڭلارغا ئەسكەرتىپ قويۇش كېرەككى، نامەلۇم سەۋەبلەر تۈپەيلىدىن پۇل يۇيۇشقا ياردەملىشىش سەۋەبىدىن قانۇنغا خىلاپلىق قىلىشتىن ساقلىنىش كېرەك.

    مەنبەسى :سىنا





    • ماتىرىياللار چۈشۈۋاتىدۇ ...
  • ئەڭ يېڭى رەسىملەر

  • ئەلكۈيىدە بۈگۈن..

  • تەۋسىيەلىك