مىتۇن چاكرابورتى: جاپاغا چىدىيالماي «ئۆلۈۋېلىشنى» ئويلىغانتىم

ئالدىنقى ئەسىرنىڭ 80-يىللىرىدىكى ئەڭ ئالقىشقا ئېرىشكەن بوللىۋود چولپانلىرىنىڭ بىرى دەل تەجرىبىلىك داڭلىق ئارتىس مىتۇن چاكرابورتى (Mithun Chakraborty) بولۇپ، ئۇ مىتۇن دا (Mitun Da) دەپمۇ ئاتىلىدۇ. ئۇ تۇنجى قېتىم 1976-يىلى ساھەگە كىرگەندىن بۇيان، ئۇزۇن يىل ھىندى كىنوچىلىقى (بوللىۋود)تا خىزمەت قىلغان ھەمدە 370 تىن ئارتۇق كىنودا رول ئالغان. نۇرغۇن كىشىلەر ئۇنىڭ داڭلىق چولپانغا ئايلىنىش يولىدا ئىزدىنىشىدىن ئىلھام ئالدى. ئەمما ئاز ساندىكى كىشىلەر مىتۇن چاكرابورتىنىڭ قانچىلىك جاپا-مۇشەققەت ۋە قانچىلىك قىيىنچىلىقتىن كېيىن ئاندىن بۇگۇنكىدەك كۈنگە ئېرىشكەنلىكىنى بىلىدۇ.

مىتۇن چاكرابورتى نۇرغۇن جاپا-مۇشەققەت ۋە تىرىشچانلىقتىن كېيىن، ئاندىن بوللىۋودنىڭ داڭلىق ئارتىسى، ناخشىچى، فىلىم ئىشلىگۈچى، يازغۇچى، كارخانىچى، تېلېۋىزىيە پروگرامما رىياسەتچىسى ۋە سىياسىيون بولالىغان. ئۇ ھەر قېتىم سۆھبەتكە ۋە زىيارەتكە تەكلىپ قىلىنغاندا، ئۆزىنىڭ ھاياتىدىكى قىيىن ۋاقىتلارنى ئەمەس، بەلكى ئۆزىنىڭ مۇۋەپپەقىيەتلىرى ھەققىدە سۆزلەشنى ياخشى كۆرىدۇ. ئەمما مىتۇن چاكرابورتى يېقىندا بىر زىيارەتنى قوبۇل قىلغاندا، ئۆزىنىڭ ئۆتمۈشتىكى قىيىن ئۆتكەلنى باشتىن كەچۈرگەنلىكىنى ئېتىراپ قىلدى ھەمدە قىيىنچىلىق ۋە جاپاغا بەرداشلىق بىرەلمەي ئۆزىنى ئۆلتۈرىۋېلىشنى ئويلىغانلىقىنىمۇ ئېيتتى.

ئىگىلىنىشىچە مىتۇن چاكرابورتى يېقىندا زىيارەتنى قوبۇل قىلغاندا مۇنداق دېگەن: «مەن ئادەتتە ئۆتمۈشۈمدىكى تارتقان جاپا-مۇشەققەتلىرىم توغۇرلۇق كۆپ سۆزلىمەيمەن، شۇنداقلا مەن تىلغا ئالماقچى بولغان ئالاھىدە بىر جۈملە سۆزمۇ يوق، ئۇ قىيىن كۈنلەرنى سۆزلىمەيلى، چۈنكى ئۇ ئۆتمۈشلەر يېڭىدىن يېتىشىپ چىقىۋاتقان سەنئەتكارلارغا زەربە بولۇشى مۇمكىن».

ئۇ يەنە مۇنداق دېگەن: «ھەممە ئادەم نۇرغۇن جاپا-مۇشەققەتلىك كۈرەشلەرنى باشتىن كەچۈردى، ئەمما مېنىڭكى ھەممىدىن بەك كۆپ، بەزىدە مەن ئارزۇيۇمغا يېتەلمەيمەن دەپ ئويلايتتىم، ھەتتا ئۆزۈمنى ئۆلتۈرىۋېلىشنىمۇ ئويلايتتىم، يەنە بەزىدە ئۆزۈمنى ئوڭشىيالماي كوللىكتىپقا قايتىپ كېلەلمەيتتىم».

خىزمەت سېپىدە، مىتۇن چاكرابورتى ھازىر ئۆزىنىڭ پات ئارىدا قويۇلماقچى بولغان بېنگال تىلى فىلىمى «Projapoti»نى ۋە ساننىي دېئول (Sunny Deol)، سانجاي دات (Sanjay Dutt)، جەكى شروف (Jackie Shroff) قاتارلىق داڭلىق چولپانلار بىلەن ھەمكارلىشىپ باش رول ئالىدىغان «ئاتا» (Baap) ناملىق يېڭى كىنوسىنى سۈرەتكە ئېلىۋاتىدۇ.

سوئال: سىز مىتۇن چاكرابورتىنىڭ كىنولىرىنى ياقتۇرامىسز؟ ئۇنىڭ قايسى كىنودىكى ئوبرازى ئەڭ قالتىس؟