سەنشىڭ ۋە يوشۇرۇن ئالدى ئاپىرات

سامسۇڭ ئېلېكتىرون شىركىتى WIPO (دۇنيا بىلىم مۈلۈك ھوقۇقى ئىدارىسى)غا «تارماق ئېكران ۋە ئۇنىڭ مەشغۇلات ئۇسۇلىنى ئۆز ئىچىگە ئالغان ئېلېكتىرونلۇق ئۈسكۈنە» پاتېنتىنى ئىلتىماس قىلىپ، بىر خىل يانفوننى تەسۋىرلەپ بەرگەن، ئۇنىڭ ئالدى كامېرا قىسمىنى ئېكرانغا ئالماشتۇرۇش ئارقىلىق قاتلامغا بۆلۈپ يوشۇرۇشقا بولىدۇ. بۇ پاتېنت 12-ئاينىڭ 24-كۈنى تەستىقلانغان ۋە ئېلان قىلىنغان.

مەزكۇر ھۆججەتتە يەنە مۇنداق كۆرسىتىلگەن: بۇ يانفوننىڭ ئېكرانى ئوخشاشلا سامسۇڭ قەلىمى (S Pen)نى ئىشلىتىپ مەشغۇلات قىلىشنى قوللايدۇ. نۆۋەتتە سامسۇڭ Note يۈرۈشلۈكىدىن باشقا، كېلەر ئايدا ئېلان قىلىنىدىغان Galaxy S21 Ultraمۇ سامسۇڭ قەلىمىنى قوللايدۇ.

ئوقۇرمەنلەرنىڭ چۈشىنىشىگە قولايلىق يارىتىش ئۈچۈن، چەتئەل تاراتقۇلىرى قىسمەن رەڭ بېرىلگەن ئىسخېمىسىنى ئىشلىگەن. رەڭ بېرىلگەن سۈرەتتىن شۇنى كۆرۈۋېلىشقا بولىدۇكى، بۇ ئومۇميۈزلۈك ئېكرانلىق سامسۇڭ ئەقلىيفونى بولۇپ، تار رامكا ۋە ياي چېگراسىغا ئىگە. ئىشلەتكۈچىلەر سۈرەتكە تارتىش ھاجەتسىز بولغاندا، كامېرا ۋە LED چاقماق لامپا قىسمى يوشۇرۇن ھالەتتە تۇرىدۇ؛ ئىشلەتكۈچىلەر ئالدى كامېرانى يۆتكەپ ئىشلەتكەندە، ئاپتوماتىك ھالدا يۇقىرى سۈپەتلىك كامېرا لىنزىسىغا ئالمىشىدۇ.

بۇ ئېكراننىڭ ئۈستى ئوتتۇرىسىدا بىر سۈزۈك رايون بار. قوشۇمچە كۆرسەتكۈچ (بالا كۆرسەتكۈچ) قەۋىتى سۈزۈك رايوننىڭ تۆۋەن تەرىپىگە جايلاشقان بولۇپ، بۇ بۆلەككە قوش كامېرا لىنزىسى (رەڭدار پەردە سېنزورى ۋە ئادەتتىكى كامېرا لىنزىسى) ۋە LED چاقماق لامپا توپلانغان.

سامسۇڭ پىلانى ئىچىدە ئورنىتىلغان قوزغىتىش مودۇلى ئارقىلىق قوشۇمچە ئېكران قەۋىتى ۋە سۈزۈك رايوننى يۆتكەشنى ئەمەلگە ئاشۇرىدۇ، ئۇ يۇقىرىدىن تۆۋەنگە ۋە سولدىن ئوڭغا يۆتكىلىدۇ.

مەسىلەن، ئېكراننىڭ بىر قىسمى سۈزۈك رايوننىڭ تۆۋەن تەرىپىدە بولسا (ئېكران بۇ ۋاقىتتا ئۈستۈنكى قەۋەتتىكى ئەينەك، ئوتتۇرا قەۋەتتىكى ئېكران قىسمى ۋە ئاستى تەرەپتىكى كامېرا قاتارلىقلارنى ئۆز ئىچىگە ئالىدۇ)، ئۇنداقتا يانفوننىڭ ئۈستى قىسمىدا مەزمۇن نورمال كۆرۈنىدۇ ئەگەر تارماق ئېكران سۈزۈك رايوننىڭ تۆۋەن تەرىپىدە بولمىسا (بۇ چاغدا ئېكراندا پەقەت بىر قەۋەت سۈزۈك ئەينەك ۋە تېلېكامېرا بولىدۇ)، ئالدى كۆرۈنۈش سىستېمىسى يانفوننىڭ ئۈستۈنكى قىسمىدا پەيدا بولىدۇ.

ئاپتوماتىك مودېلدىن باشقا، ئابۇنىتلارمۇ بۇ بىر قىسىم ئېكراننى قول بىلەن ئاچالايدۇ. توك مەنبە كونۇپكىسىنىڭ يېنىدا بىر كىچىك سىيرىلما تاختا بار بولۇپ، تارماق ئېكراننىڭ يۆتكىلىشىنى كونترول قىلغىلى بولىدۇ. ئۇنىڭدىن باشقا، تارماق ئېكران قىسمىغىمۇ سېزىش سېنزورى سەپلەنگەن بولۇپ، ئابۇنىتلار ئوخشاشلا بىۋاسىتە بارمىقى بىلەن يۆتكىيەلەيدۇ.

www.alkuyi.com