ئەگەر تىرامپ ھوقۇقنى تىنچ تاپشۇرۇشنى رەت قىلسا بايدېن قانداق قىلىدۇ؟

يەنە بەش ئىشتاتتىكى سايلام بېلىتىنىڭ نەتىجىسى چىقىشتىن بۇرۇن، بايدېن سايلىغۇچىلار ئۆمىكىنىڭ بېلىتىدە 264 ئاۋاز بىلەن ئامېرىكا زۇڭتۇڭى تىرامپنىڭ 214 بېلىتىنىڭ ئالدىغا ئۆتۈپ كېتىپ، ئەۋزەللىكى روشەن گەۋدىلەندى، ئۇنىڭ ئۈستىگە ئۇ يەنە ئالتە بېلەتكە ئېرىشسىلا مۇددەتتىن بۇرۇن ئاق سارايغا كىرىشكە كېرەكلىك بولغان 270 سايلىغۇچىلار ئۆمىكىنىڭ بېلىتىگە ئىگە بولالايدۇ، شۇنداق دېيىشكە بولىدۇكى، ئامېرىكا چوڭ سايلىمىنىڭ ئاخىرقى نەتىجىسى تەدرىجىي ئايدىڭلاشتى. ئۇنداقتا بۇ ۋاقىتتا بۇنىڭدىن ئىلگىرى ئامېرىكىنىڭ ھەر ساھەسىدىكىلەر كۆپ قېتىم مۇنازىرە قىلغان تىرامپ ئەگەر ھوقۇقنى تىنچ تاپشۇرمىسا قانداق قىلىش كېرەك، دېگەن تېما نۆۋەتتىكى دېموكراتلار پارتىيەسىدىكى ئەڭ رېئال مەسىلە بولۇپ قالدى، قانداق قىلىش كېرەك؟

تاراتقۇلارنىڭ 4-چېسلادىكى خەۋىرىگە قارىغاندا، گەرچە ئامېرىكا چوڭ سايلىمىنىڭ بېلەت ھېسابلاش خىزمىتى يەنىلا داۋاملىشىۋاتقان بولسىمۇ، ئەمما چوڭ سايلام كۈنى كەچتە كۆپلىگەن تەۋرەنمە ئىشتاتلار تېخى بېلەت ھېسابلاشنى ئاخىرلاشتۇرماي تۇرۇپلا، ئامېرىكا زۇڭتۇڭى تىرامپ ئۆز ئالدىغا ئۆزىنىڭ غەلىبە قىلغانلىقىنى جاكارلىغان ھەمدە ئېشىپ قالغان سايلام بېلىتىنىڭ قانۇنلۇق ياكى ئەمەسلىكىدىن گۇمانلانغان. بېلەت تاشلاشتىن بۇرۇن نۇرغۇن ئامېرىكا تاراتقۇلىرى ئەگەر بايدىن ئازراقلا غەلىبە قىلسا، ترامپ سايلام جەريانىدا مەسىلە مەۋجۇت دېگەن نام بىلەن سايلام نەتىجىسىنى فېدېراتسىيە ئالىي سوت مەھكىمىسىگە سۇنۇشى مۇمكىن، سايلام ئاخىرلاشقاندىن كېيىن ھوقۇقنى تىنچ تاپشۇرۇشنى خالامدۇ-يوق، يەنىلا ئۆزگىرىش مەۋجۇت، دېدى.
بۇمۇ دېموكراتلار پارتىيەسى سايلامدىن بۇرۇن ئەڭ ئەندىشە قىلغان مەسىلىلەرنىڭ بىرى. بايدىن 6-ئايدىن باشلاپ ئەلرايىنى تەكشۈرۈش نەتىجىسىنى ئېلان قىلغاندىن كېيىن، ئۇزۇن ۋاقىت ئىككى خانىلىق سان بىلەن ئامېرىكا زۇڭتۇڭى تىرامپنىڭ ئالدىغا ئۆتۈپ كەتكەن بولسىمۇ، لېكىن دېموكراتلار پارتىيەسى ئىزچىل بوشىشىپ قېلىشقا جۈرئەت قىلالمىدى، بىر تەرەپتىن 2016-يىللىق چوڭ سايلامدا دېموكراتلار پارتىيەسىنىڭ زۇڭتۇڭ نامزاتى ھىلارىمۇ ئۇزاق مۇددەت ئالدىنقى قاتاردا تۇرغان بولسىمۇ، ئاخىرىدا يەنىلا چوڭ سايلامدا ئۇتتۇرۇپ قويدى؛ يەنە بىر تەرەپتىن، دېموكراتلار پارتىيەسى ئامېرىكا زۇڭتۇڭى سايلىمىدا مەغلۇپ بولغاندىن كېيىن، تىرامپنىڭ ھوقۇقنى تىنچ ئۆتكۈزۈپ بەرمەسلىكىدىن ئەنسىرەيدۇ، ۋاقىتى كەلگەندە قانداق قىلىش كېرەك؟

گەرچە بايدېننىڭ غەلىبىنى قولغا كەلتۈرۈشىگە پەقەت ئالتە بېلەتلا كەم بولسىمۇ، لېكىن بۇ يىللىق چوڭ سايلامغا قارىتا ئامېرىكا تاراتقۇلىرى نورمال ئەھۋالدىن باشقا ھەممە ئىشنىڭ مۇمكىنچىلىكى بار، دەپ قارىدى. بۇنىڭدىن ئىلگىرى، دېموكراتلار پارتىيەسىىمۇ بۇ يىلقى سايلام ئەھۋالىنىڭ ئىنتايىن ئالاھىدە ئىكەنلىكىنى، ئەڭ ئاخىرقى غەلىبە قىلغۇچىنىڭمۇ كېيىنكى نۆۋەتلىك زۇڭتۇڭ بولالىشى ناتايىن ئىكەنلىكىنى بىلدۈرگەن، بۇنىڭدىن دېموكراتلار پارتىيەسىنىڭ سايلامدىن كېيىن كۆرۈلۈش مۇمكىنچىلىكى بولغان رەھىمسىز تالاش تارتىشنى ئېنىق تونۇپ يەتكەنلىكىنى كۆرۈۋالغىلى بولىدۇ.
ئەڭ يېڭى خەۋەر شۇكى، ئامېرىكا زۇڭتۇڭى تىرامپ مىچىگان ئىشتاتى، پېنسىلۋانىيە ئىشتاتى ۋە جورجىيە ئىشتاتى ئۈستىدىن ئەرز قىلىپ، ئۇلاردىن بېلەت ھېسابلاشنى ۋاقتىنچە توختىتىشنى تەلەپ قىلىپ، ئۇلاردا قائىدىگە خىلاپ قىلمىش مەۋجۇت، دېدى. ناھايىتى ئېنىقكى، ئامېرىكا زۇڭتۇڭى تىرامپ بايدېننىڭ يەنە ئالتە بېلەتكە ئېرىشسىلا ئاقساراينىڭ ئاچقۇچىغا ئىگە بولىدىغانلىقىنى كۆرۈپ، ئەمدى قول سالمىسا ئۈلگۈرەلمەيدىغانلىقىنى بىلىپ يەتتى. بۇمۇ بايدىننى قاتتىق غەزەپلەندۈردى، بۇ ئامېرىكا زۇڭتۇڭى تىرامپنىڭ ھوقۇقىدىن قالايمىقان پايدىلانغانلىقى، دەپ ئەيىبلىدى.

بىراق، بۇمۇ نورمال ئىش. ئامېرىكا سايلام ئورگىنى پوچتا ئارقىلىق ئاۋاز بېرىش تەدبىرىنى ماقۇللىغاندىلا، ئامېرىكا زۇڭتۇڭى تىرامپ بۇ چوڭ سايلامغا نىسبەتەن بىر قىلتاق، سايلام بېلىتىنى پوچتىدىن ئەۋەتكەندە ئاسانلا ساختىلىق قىلغىلى بولىدۇ، بەزىدە ئۆلۈك ئادەمنىڭمۇ بېلەت تاشلاۋاتقانلىقىنى بىلمەيمىز، دېگەن ئىدى. شۇ چاغدا بەزى تاراتقۇلار تەھلىل قىلىپ، ئامېرىكا زۇڭتۇڭى تىرامپ ئەگەر سايلامدا مەغلۇپ بولسا، بۇنى باھانە قىلىپ سايلام نەتىجىسىنى ئېتىراپ قىلماسلىقى، شۇنىڭ بىلەن كېسىم قىلىش ھوقۇقىنى فېدېراتسىيە ئالىي سوت مەھكىمىسىگە تاپشۇرۇشى مۇمكىن، دېگەن ئىدى.
بۇنىڭدىن بۇرۇن، ئامېرىكا زۇڭتۇڭى تىرامپ باش سودىيە بارېتنى مەجبۇرىي نامزاتلىققا كۆرسىتىپ، فېدېراتسىيە ئالىي سوت مەھكىمىسىدىكى توققۇز باش سودىيە ئىچىدىكى ئۆزى تەۋە بولغان جۇمھۇرىيەتچىلەر پارتىيەسىگە مايىل سودىيەنىڭ سانىنى ئالتىگە يەتكۈزدى، ئەگەر ئەڭ ئاخىرىدا چوڭ سايلام دەۋاسىنى ئالىي سوت مەھكىمىسىگە ئۆتكۈزۈپ بەرسە، روشەنكى بۇ بايدېنغا پايدىسىز بولىدۇ،
بۇنىمۇ دېموكراتلار پارتىيەسى كۆرۈشنى خالىمايدۇ.

بۇ يىل 8-ئايدا بايدىندىن ئەگەر ئامېرىكا زۇڭتۇڭى تىرامپ سايلامدا مەغلۇپ بولسىمۇ، ھوقۇقنى تىنچ تاپشۇرۇشنى رەت قىلسا قانداق قىلىش كېرەك؟ دەپ سورالغاندا، ئۇ قوللىغۇچىلىرىغا ئىنتايىن ئىشەنچكە تولغان ھالدا ۋاقتى كەلگەندە ئامېرىكا ئارمىيەسى ئۇنى ئاق سارايدىن قوغلاپ چىقىرىدۇ، دېگەن. ئەمما ئۇزۇن ئۆتمەي ئامېرىكا ئارمىيەسىنىڭ گېنېرال پولكوۋنىكى مىل ئامېرىكا سايلىمىدا ئامېرىكا ئارمىيەسى ھېچقانداق خاھىشتا بولمايدۇ، ئامېرىكا زۇڭتۇڭى ۋاقتى كەلگەندە ھوقۇقنى تىنچ ئۆتكۈزۈپ بەرمىسىمۇ، ئامېرىكا ئارمىيەسى ئارىلاشمايدۇ، دېدى.
ئۇنداقتا، دېموكراتلار پارتىيەسى تەرەپ ئامېرىكا زۇڭتۇڭىغا پۈتۈنلەي ئامال قىلالمامدۇ؟ يېقىندا دېموكراتلار پارتىيەسىنىڭ ئەڭ چوڭ ھوقۇقدارى، ئاۋام پالاتاسىنىڭ باشلىقى پېلوسى مۇنۇلارنى بىلدۈردى: «ئەگەر ئامېرىكا چوڭ سايلىمىدا غەلىبە قىلغۇچى ئېنىق بولمىسا، ئاۋام پالاتاسى كېيىنكى نۆۋەتلىك زۇڭتۇڭ نامزاتىنى قارار قىلىدۇ. چۈنكى بىز زۇڭتۇڭنىڭ ئاساسىي قانۇنغا ھۆرمەت قىلمايدىغانلىقىنى، سايلامنىڭ ئادىللىقىغا ھۆرمەت قىلمايدىغانلىقىنى كۆردۇق. شۇڭا، بىز ئۇنىڭغا تەييارلىق قىلىپ قويدۇق.»