مېسسى ۋە رونالدودا ئۈمىد بارمۇ؟

شۇنچە يىللاردىن بۇيان، بۇ يەنىلا مېسسى ۋە كرىستىيانو رونالدونىڭ قوللىغۇچىلىرىنىڭ تۇنجى قېتىم يىللىق ئەڭ مۇنەۋۋەر توپچى مۇكاپاتىنى باھالاشتا بىر نەرسە دېيەلمەسلىكى بولۇپ قالدى. ئۇ ئىككىسى گەرچە يەنىلا FIFA يىللىق ئەڭ مۇنەۋۋەر توپچى مۇكاپاتىدا ئالدىنقى ئۈچنىڭ ئىچىگە كىرگەن بولسىمۇ، لېكىن تۆت قېتىملىق بېلەت تاشلاش باسقۇچىنىڭ ھەممىسىدە لېۋاندوۋىسكى بىرىنچى ئورۇندا بولۇپ، روشەن ئۈستۈنلۈك بىلەن بۇ مۇكاپاتقا ئېرىشكەن دېيىشكە بولىدۇ.

2018-يىللىق باھالاشتا كرىستىيانو رونالدونىڭ قوللىغۇچىلىرى مودرىچنىڭ مۇكاپاتقا ئېرىشكەنلىكىگە قارىتا رازى بولماي سۆزلىگەنىدى. بۇلتۇرقى باھالاشتا گەرچە ۋاندىك بىلەن مېسسىنىڭ پەرقى ئىنتايىن كىچىك بولسىمۇ، لېكىن مېسس يەنىلا ئالتۇن توپ بىلەن FIFA يىللىق دۇنيا پۇتبول ئەپەندىسىنى ئالدى. ھالبۇكى بۇ يىل مەيلى كوماندىنىڭ شان-شەرىپى ياكى شەخسىي سانلىق مەلۇماتى بولسۇن، ئۈستۈن تۇرىدىغىنى يەنىلا لېۋاندوۋىسكى! رونالدو ۋە مېسسى ئىككىلىسى ئۆزىدىن لېۋاندوۋىسكىدىن ھالقىپ مۇكاپاتقا ئېرىشكۈدەك سەۋەبنى تېپىپ چىقالمايدۇ.

بۇمۇ بەلكىم مەلۇم خىل بىشارەت بولسا كېرەك: ھازىرقى پۇتبول ساھەسىدىكى يۈزلىنىش ۋە مېسسى-رونالدو ئىككىسىنىڭ ئەھۋالىغا ئاساسلانغاندا، ئىككىسىنىڭ ئالتۇن توپ تالىشىشى بارغانسېرى قىيىنلىشىپ كېتىۋاتىدۇ.

كوماندىنىڭ شان-شەرىپى؟ ھازىرقى ئەھۋالدىن قارىغاندا ياۋروپا پۇتبول ساھەسىدىكى ئەڭ كۈچلۈك ئىككى كوماندا بايرېن مىيۇنخېن بىلەن لىۋېرپول، بارسېلونا بىلەن يۇۋېنتۇس ھازىرچە ياۋروپا چېمپىيونلۇق بىرلەشمىسى تالىشىشىدىكى بىرىنچى سەپتە ئەمەس، بىرلەشمە مۇسابىقىسىدە چېمپىيون بولۇشىمۇ ئاسان ئىش ئەمەس. ئەگەر ھەر يىلى بىرلەشمە چېمپىيونىلا كوماندىنىڭ شان-شەرىپى دەپ قارالسا، ياۋروپا چېمپىيونلۇق بىرلەشمىسى سەككىز كۈچلۈكتە 16 كۈچلۈكتە توختاپ قالسا ئالتۇن توپ تالىشىشقا پايدىسىز.

ئەگەر ياۋروپا چېمپىيونلۇق بىرلەشمىسىگە ئېرىشەلمىسە، مېسسىنىڭ 2019-يىلىدىكى قالتىس شەخسىي ئىپادىسىنى يەنە جارى قىلدۇرۇشمۇ بىر يول. لېكىن يىللار رەھىمسىز، مېسسى بىلەن رونالدو ھەرقانچە قېرىغانسىرى جەسۇرلىشىپ كەتسىمۇ، ئىككىسىنىڭ رىقابەت ھالىتىنىڭ تۆۋەنلەپ كېتىشىنى يەنىلا ئېنىق كۆرگىلى بولىدۇ، ئۆتكۈرلۈكى ۋە ئىزچىللىقى تۆۋەنلەۋاتىدۇ. تېخىمۇ چاتاق بولغىنى، ئۇلار ھازىر تۇرۇۋاتقان كوماندىنىڭ مۇھىتى، شۇنداقلا ئۇلارنىڭ ئەڭ راھەت ئۇسۇلدا توپ تېپىپ، ئەڭ زور كۈچ-قۇدرىتىنى نامايان قىلىشى ناھايىتى تەس.

ئەگەر مېسسى بىلەن كرىستىيانو رونالدومۇ پەقەت «يەر شارى ئادىمى» دەرىجىسىدىكى سانلىق مەلۇمات ۋە مەيداندىكى ئىپادىسى بولۇپ، كوماندىنىڭ بۇرۇنقىدەك شانلىق تارىخىنىڭ كۆرۈلۈشى قىيىنلاشقان ئەھۋالدا، ئالتۇن توپ ئېلىشىنىڭ قانچىلىك تەسلىكىنى تەسەۋۋۇر قىلغىلى بولىدۇ. جەمئىي 11 ئالتۇن توپ مۇكاپاتىغا ئېرىشكەن ئىككى گىگانت چولپان يەنە داۋاملىق بۇ ساننى يۇقىرى كۆتۈرەلەمدۇ؟