ۋاللادولىد 3:0 بارسېلونا

بېيجىڭ ۋاقتى 12-ئاينىڭ 23-كۈنى سەھەر سائەت 5:00تە ئۆتكۈزۈلگەن 2020/2021 مۇسابىقە پەسلى ئىسپانىيە بىرلەشمىسى 15-ئايلانمىسىدا بارسېلونا مېھمان مەيداندا ۋاللادولىد بىلەن مۇسابىقىلەشتى. ئالدىنقى يېرىم مەيدان مۇسابىقىدە مېسسىنىڭ ياردەمچى پاس چىقىرىشى بىلەن لېڭلېت كاللا توپ كىرگۈزدى، ئارقىدىن مېسسى ھۇجۇم قوزغىدى، دېست توپنى ئالغاندىن كېيىن ئوتتۇرا يولغا تاشلىدى، برەيسۋەيت قاپقا ئالدىدا توپنى قاپقىغا كىرگۈزدى؛ كېيىنكى يېرىم مەيدان مۇسابىقىدە پېدرىنىڭ ياردەمچى پاس چىقىرىشى بىلەن مېسسى بىر توپ كىرگۈزدى، شۇنداقلا مۇسابىقە ئاخىرلىشىشتىن بۇرۇن ئىنتايىن ياخشى پۇرسەتنى كەتكۈزۈپ قويدى. ئاخىرىدا، بارسېلونا مېھمان مەيداندا 0:3 نەتىجە بىلەن ۋاللادولىدنى مەغلۇپ قىلدى ھەمدە بىرلەشمىدە 24 نومۇر بىلەن بەشىنچى ئورۇندا تۇرماقتا.

ئالدىنقى يېرىم مەيدان مۇسابىقىدە بارسېلونا تېزلا مۇسابىقىنى كونترول قىلدى، 7-مىنۇتتا مېسسىنىڭ تەپكەن توپى چىقىپ كەتتى، 21-مىنۇتتا مېسسىنىڭ ياردەمچى پاس چىقىرىشى بىلەن لېڭلېت كاللا توپ كىرگۈزدى، 35-مىنۇتتا مېسسى ھۇجۇم قوزغىدى، دېست توپنى ئالغاندىن كېيىن ئوتتۇرا يولغا تاشلىدى، برەيسۋەيت قاپقا ئالدىدا توپنى قاپقىغا كىرگۈزدى، 36-مىنۇتتا مېسسىنىڭ تەپكەن توپى توسۇۋېلىندى، ۋاللادولىد 2:0 بارسېلونا.

كېيىنكى يېرىم مەيدان مۇسابىقىدە بارسېلونا ھۇجۇم رېتىمىنى ئاستىلاتمىدى، 58-مىنۇتتا دېيوڭنىڭ پاس بېرىشى بىلەن مېسسى توپنى ئېلىپ قاپقىغا تەپتى، لېكىن قاپقىچى توپنى توسۇۋالدى، 65-مىنۇتتا دېستنىڭ ياردەمچى پاس چىقىرىشى بىلەن مېسسى بىر توپ كىرگۈزدى (بۇ مېسسىنىڭ بارسېلونا ئۈچۈن كىرگۈزگەن 644-توپى، ئۇ پېلىنىڭ يەككە كۇلۇبتا ئەڭ كۆپ توپ كىرگۈزۈش رېكورتىنى يېڭىلىدى!)، 90-مىنۇتتا كوتىنھونىڭ تەپكەن توپى قاپقا ئۈسسىدى، ئارقىدىن مېسسى ئىنتايىن ياخشى پۇرسەتنى كەتكۈزۈپ قويدى، ۋاللادولىد 3:0 بارسېلونا.